Бөгөн аҫаба халыҡтар көнө билдәләнелә. Ошо уңайҙан үҙәк район китапханаһында «Өләсәйем һандығы» исемле кисә уҙҙы. Был дата Берләшкән милләттәр ойошмаһы башланғысы менән 20 йыл элек барлыҡҡа килгән. Уның маҡсаты – аҙ һанлы халыҡтарҙы юғалыуҙан һаҡлау, һәр милләткә үҙ телен, мәҙәниәтен, ғөрөф-ғәҙәттәрен өйрәнеү һәм һаҡлауға мөмкинлек биреү. Бөгөн республикала милли кейемгә ҡыҙыҡһыныу арта. Кисәгә килгән апай-инәйҙәр менән дә көньяҡ-көнсығыш һәм көньяҡ , көнсығыш Урал аръяғы, төньяҡ-көнсығыш, көньяҡ-көнбайыш, төньяҡ һәм төньяҡ-көнбайыш башҡорт ҡатын-ҡыҙҙарының кейемдәре, биҙәүес әйберҙәре хаҡында хаҡында һөйләштек. Башҡорт этнографияһына ҙур өлөш индерегән ғалимдар С.Руденко, С.Шитова, Р.Кузеев, С.Авижанскаяның китаптары менән танышып, милли кейемдәребеҙгә арнап яҙылған шиғырҙарҙы уҡыныҡ.